వెన్నెల

నూతన సంవత్సర శుభాకాంక్షలు..

2011-12-31T04:03:00.000-08:00

ఆమని పిలిచే వేళా...
కోయిల పాడే వేళా...
వసంతం పల్లవించే వేళా...
ప్రకృతి ఎంత కమనీయం...రమనీయం...
చూసే హృదయం ఆనందమయం....
ఆ ఆనంధమే మీ జీవితంలో సాగాలని కోరుకుంటూ...
నూతన సంవత్సర శూభాకాంక్షలు....

"ఇరోం షర్మిలా" దీక్షకు 12 ఏండ్లు

2011-12-06T02:51:00.001-08:00

ఉక్కు సంకల్పం ఆమె. మొక్కవోని మనో నిబ్బరం ఆమె. అత్మరవం నుంచి జనించిన ఆగ్రహం ఆమె. తల్లడిల్లుతున్న యుద్ధభుమిలో తపోదీక్ష చేస్తున్న శాంతికపోతం ఆమె. తుపాకి గొట్టాల విచ్చలవిడీ తనాన్ని ప్రశ్నించిన ప్రజాస్వామిక గొంతు. నిరంకుశ చట్టాన్ని నిరసించిన నిప్పు కణిక. జాతికోసం జంగ్ చేస్తున్న జ్వలిత. అన్యాయంపై తిరగబడ్డ అగ్గిబరాట. శరీరాన్నే ఆయుధంగా మలుచుకున్న సాహస వనిత. పుష్కర కాలంగా అన్నపానియాలు ముట్టని అసలు సిసలు సత్యాగ్రహి. కన్నీల్లను, కష్టాలను కలబోసిన నెత్తుటి గేయం ఆమె దీక్ష. మరుభుమిగా మారిన మాతృ భుమి గాయాలను మాంపేందుకు తనుఫు, మనసును ఏకం చేసి సందించిన దీక్ష పేరు ఇరోం చాను షర్మిలా.

నవంబర్ 2, 2000 సంవత్సరం మణిపాల్ లోయలోని మలోం బస్టాండ్ల్ లో అస్సాం రైఫిల్స్ విచక్షణా రహితంగా గర్జించింది. పదిమంది. అమాయకులు ప్రాణాలు గాల్లో కలిసిపోయాయి. మలోం నరమేధం, సాయిధ దళాల పద ఘటనలో దశాబ్దాలుగా నలిగిపోతున్న మణిపూర్ ఒక విషాద ఘట్టం. సాయుధ దళ కౄరత్వం అందరిని కలచివేసింది. ఇరోం షర్మిలా స్థానిక పత్రికలో జర్నలిస్టు. కవయిత్రీ కూడా. కనికరం లేని తీరుతో కలతచెందిన షర్మిలా కటిన నిర్ణయం తీసుకుంది. నవంబర్ 4న ఆమరణ దీక్షకు దిగింది. యమపాశంగా మారిన భద్రత దళాల ప్రత్యేక అధికారల చట్టం అంతు చూసేదాకా దీక్ష సాగిస్తానని శపధం చేసింది. తన చావుతోనైనా తన జాతికి పట్టిన పీడనను వొదిలించాలని పట్టుదలతో దీక్ష చేపట్టింది. దీక్షను భగ్నం చేసేందుకు పోలీసులు షర్మిలాను అరెస్టు చేసి జైల్లో పెట్టారు. ఏంత బలవంతం చేసినా ఆహారం తీసుకోకపోవడంతో నాసోగ్యాస్ట్రిక్ ఇన్ ట్యుబ్యెషన్ పద్దతిలో ముక్కుద్వారా ద్రవ పదార్థాలను పంపించడం మొదలు పెట్టారు. షర్మిలా బైల్ తీసుకోవడాంకి నిరాకరించింది. ఆత్మహత్య నేరం కింద జైలు శిక్ష సంవత్సరం మాత్రమే కాని ఏడాది కాగానే జైలు నుంచి విడుదల చెయడం మళ్ళీ అరెస్టు చేయడం.. 12 ఏండ్లుగా మణిపూర్ పోలిసులు అదే పని చేస్తున్నారు. ఇప్పటికే 500 సార్లు కోర్టు, జైలు, హాస్పిటల్ వార్డుకు తిరిగించి. 12 ఏండ్లుగా షర్మిలా నోటిద్వారా పచ్చి మంచినీళ్ళు కూడా తీసుకోలేదు. ముక్కుద్వారా పైపుతో ప్లూయిడ్ ఎక్కించడం నిజంగా ఒక హింస. షర్మిలా శరీరం రోజురోజుకు కుషికంచిపోతుంది. అవయవాలు మెళ్ళగా దెబ్బతింటున్నాయి. 38 ఏళ్ళ షర్మిలా బరువు ఇప్పుడు 37 కిలోలు. 2006లో విడుదలైనప్పుడు. షర్మిలా ఢిల్లీ రాజ్ఘడ్ చేరుకోని మహాత్ముడికి మొరపెట్టుకుంది. జంతర్ మంతర్ వద్ద దీక్ష సాగించింది. కేంద్రం వెంటనే అరెస్టు చేసి ఆసుపత్రిలో నిర్భందించింది. తరువాత ఇంఫాల్ కు తరలించింది. సంచలన వార్తల గుంపులో కొట్టుకుపోతున్న జాతీయ మీడియాకు షర్మిలా దీక్ష వార్త కాదు. అసలే గుర్తింపుకు నోచుకోని ఈశాన్య రాష్ట్రాలు. పైగా కనీస కవరేజ్ ఇవ్వని మీడియా. సంవత్సరాలు గడుస్తున్న కదలిక లేని తోలు మందం ప్రభుత్వం. శారీరక బహహీనత, మానసిక సంఘర్షణ చుట్టూ తుపాకులు. ఐతే హాస్పిటల్ లేదంటే జైల్. కత్తుల వంతేనమీద పయనం. ఆటు కానరానీ పరిష్కారం. ఐతేనేం ఆమె మానసిక దృడత్వం ముందు ఏ అవంతరాలు నిలువలేదు. ఆమె సంకల్ప బలం ముందు నిరాశ, నిశ్పృహలు వెలవలేదు. నిబద్ధత, నిజాయితి, తన జాతి జనుల పట్ల ప్రేమ, అమానవీయ చట్టాలను ఆంతం చేయాలన్న కర్తవ్యం. అమెను ముందుకు నడిపించాయి. మొన్న నవంబర్ 4వ తారీకుతో ఆమె దీక్ష 12 వ ఏడాదిలో ప్రవేశించింది. పుష్కర కాలంగా అదే సహసం అదే సహనం. 12 ఏండ్లుగా పుస్తకాలు, కవితలే ఆమె నేస్తాలు. ఈ ప్రస్తానంలో ఒక ఇంట్రెస్టింగ్ యాంగ్ల్ షర్మిలా లవ్ స్టోరీ.. షర్మిలా దీక్ష కాలంలోనే ప్రేమలో పడింది. అతని పేరు డెస్మాండో కొటినో. బ్రిటన్ లో పుట్టిన భారతీయుడు . మానవ హక్కుల కార్యకర్త. మరి పెండ్లెప్పుడు అని అడిగితే. సైనిక చట్టం రద్దై , శిక్ష ముగిశాక అని చెప్పేసింది ఆ వనిత సాహస దీక్షకు ఏన్నో అవార్డులు వచాయి. ఎషియన్ హుమన్ రైట్స్ ఫోక్ స్కూల్ మానవ హక్కుల పురస్కారం 2007 లభించింది. కాని మన ప్రభుత్వం కనికరించలేదు. సెవెన్ సిస్టర్స్ లో ఒకటైన మణిపూర్ సిస్టర్ కన్నీళ్ళను తుడవడానికి చేయి రాలేదు. నామమాత్రంగా ఒక కమిటీ వేసి చేతులు దులుపుకున్నారు. అన్నా హాజారే దీక్ష, మీడియా హడావుడి, విమర్శలు, చర్చల నేపథ్యంలో ఎక్కడో మూలన పడిపొయిన షర్మీలాది ఇప్పటికి ఒక వార్తగా మెయిన్ స్ట్రీం మీడియాకు ఎక్కింది. దేశ వ్యాప్త చర్చకు నోచుకున్నది. షర్మిలా దీక్షా, లక్ష్యం పైనా ఫొకస్ పెరిగించి. ఇప్పుడు ప్రశ్న ఈ దీక్ష ఇంకెంత కాలం సాగుతున్నదన్నది కాదు. ప్రజాస్వామ్య ప్రభుత్వాలు ఇంకెన్నాలు ఉలుకూ పలుకూ లేకుండా కుర్చుంటాయన్నదే ప్రశ్న. ఒక మహిళ గాంధీ మార్గంలో సాగిస్తున్న సత్యాగ్రహం పాలకులను కదిలించ్లేకపోవడం మహా విశాదం. ప్రజాస్వామ్యంలో పెద్ద విఘాతం. షర్మిలా హిమాలయమంత ఎత్తున ఎదిగిన ఉద్యమ మూర్తి. అన్యాయాన్ని ఎదిరించి నిపుస్తున్న వాళ్ళకు కొండంత స్పూర్తి . ఆమె నుండి ప్రజాస్వామ్యంలో ఉన్న వాళ్ళు నేర్చుకోవాల్సిన విలువైన పాటాలు ఏన్నో. నలుగురి కోసం బతకడం. నలుగురి కోసం చావడానికి సిద్దపడటం ఈ భూమ్మీద అదే అంతటా ఆదర్శం. ఆ ఆదర్శాన్ని అంతటా ఆవిష్కరించిన షర్మిలాజి రెండు చేతులెత్తి చేయాలి వందనం.

అమ్మ నిన్ను కన్నందుకు వందనాలు

2011-11-26T09:36:00.001-08:00

విప్లవాలు, సాయుధపోరాటాలు తెలుగు నేలకి కొత్తకాదు. నాగలిపట్టె రైతన్న తుపాకి పట్టాలంటూ 60 ఏళ్ళ క్రితం మొదలైన తెలంగాణ రైతాంగ సాయుధపోరాటం అగిపోయినా, చారుమజుందారు పిలుపునందుకోని తిరిగి అటు శ్రికాకుళంలో ఇటు తెలంగాణలో మళ్ళీ ఉద్యమాలు చెలరేగాయి. నిండు యవ్వన ప్రాయంలో ఈ ఉద్యమంలో దూకి గత ముడున్నర దశాబ్దాలుగా నేలకొరిగిన యువత ఐదు వేలకుపైచిలుకన్నది ఒక అంచనా. కేవలం 20ల సగటు వయసులో సామాజానికి చోదక శక్తి కావలసిన యువతను నష్టపోవడం ఆ సమాజానికే ఒక నష్టం ఐతే వారిని కన్న తల్లులకు అది తీరని గర్భశోకం. రాజకీయాలు తెలియకపోయినా, రహస్య జీవితంలో కన్న బిడ్డ భద్రతకోసం ఆరాటం, వాళ్ళ ఆచూకి కోసం నిర్భందం ఒకే సారి అనుభవించే తల్లులకు వారి మరణవార్త ఆశనిపాతం. ఒక గొప్ప ఆదర్షం కొసం, తను నమ్మిన సిద్దంతం కొసం బంధాలను, అనుబంధాలను వదులుకొని తమ ప్రాణాలను సైతం తృణ ప్రాయంగా వదులుకున్న బిడ్డలు గత మూడున్నర దశాబ్దాలుగా ఈ దేశంలో ఏందరో. అటువంటి అరుదైన వ్యక్తే మల్లొజుల కోటేశ్వర రావ్ ఉరఫ్ కిషన్ జీ. విప్లవాన్ని ఊపిరిగా మలుచుకున్న మనిషి, విప్లవ గడ్డ, పోరుగడ్డ కరీం నగర్ జిలాలో పుట్టి ఎక్కడైతే నక్సల్బరి పురుడుపోసుకుందో అక్కడనే నాయకుడిగా ఎదిగి, ప్రజలలో ఒదిగి కర్కష ప్రభుత్వాల పన్నాగాలకు బలీఇపోయిన వ్యక్తి కిషన్ జీ

ఆయనెవరో నేటి తరానికి తెలియకపోవచ్చు. ఎంతో మంది విద్యార్థులు తెలంగాణ కోసం బలి అయిన రోజులు. ఉద్యమాన్ని రాజ్యం కృరంగా అణచివేస్తూ, న్యాయం అడిగిన యువకెరటాలను పిట్టల్లా కాల్చివేస్తూ ఉంటే ఏదో ఒకటి చేయాలని యువత తపన పడుతున్న రోజు;లవి. ఇటు రాజకీయాల ద్వారా రాని తెలంగాణ, ఏన్నో ఒప్పందాల ద్వారా అందని న్యాయం. ఎన్నో వలసలు, వనరుల విధ్వంసం, సాంసృతిక హింస, మానసికంగా అవమానం. అత్మగౌరవనికి అన్యాయం జరుగుతుంటే ఆపలేని నిరాసక్తత. అప్పుడే కొత్తగా గాలులూ వీస్తూ, ప్రజాపోరాటాలకు నాంది పలుకుతున్న కొత్త రాజకీయాలు. న్యాయం, ధర్మం అడుక్కుతింటే రావని, ప్రశాంత వాతావరణంలో రాజ్యానికి ఎటువంటి నష్తం కలగకుండా పోరాటాలు చేస్తే తమ ప్రాణాలకు ముప్పే కాని దోపిడీ దారులకు కాదని తెలుసుకున్న రోజులవి. అటువంటి వాతావరణంలో గ్రామాలకి తరలండి అన్న పిలుపునందుకున్న కిషన్ జీ ప్రత్యమ్నాయా రాజకీయాలవైపు దృష్టి సారించి భూస్వాముల గుండెల్లో గుబులు పుట్టించాడు. పుట్టింది అగ్రకులాలో ఐనా అందరికి సమన్యాయం అందలనె సిద్ధంతాన్ని నన్ని సబ్బండ కులాలవైపు నిలబడ్డడు. భారత రాజకీయాలల్లో కేవలం కొన్ని వర్గాల వారికి మత్రమే న్యాయం చేకురుతుందని, అధికార దాహం పేద, దళిత, ఆదివాసి ప్రజలని అణిచివేస్తున్నాయని వాటిని ప్రశ్నించేందుకు ఒక ప్రత్యమ్నాయ పోరాట రూపం ఎన్నుకోవడమే ఆయన చేసిన నేరం. ఈ దేశంలో ప్రత్యమ్నాయ రాజకీయాలకు ఒక రంగు ఉంటుంది. ఒక బ్రాండ్ ఉంటుంది. ఒక పోరాట రూపం ఉంటుంది. సాయుధ పోరాటం, పీపుల్స్ వార్, నక్సలైట్, మావోయిస్టు ఇవన్ని వినకూడదు, మాట్లాడకూడదు. మాట్లాడినవాడు కరడుగట్టిన రక్తపిపాసి, మనుషులను ఖండ ఖండాలుగా నరికే కసాయివాడు. ఇది రాజ్యం. రాజ్యానికి కొమ్ము కాసే పార్లమెంటరిదారులు వాడే భాష.

ఇది బూటకపు ఎన్ కౌటర్ల దేశం. ఈ దేశంలో ఆజాదులను వెంటాడి వెంటాడి చంపుతారు. కారణం వారు నక్సలైట్లు. హేమచంద్రపాండేను చంపుతారు కారణం ఆయన ఒక జర్నలిస్టు. ఎందుకంటే ఆయన ఈ వ్యవస్థను ప్రశ్నించాడు. ప్రజలపై జరుగుతున్న హింసను తన కలంతో అక్షర రూపం ఇచ్చాడు కాబట్టి. ఆయనకు ప్రత్యామ్నాయ రాజకీయాలతో సంభందాలు ఉంటాయి కాబట్టి. ఆయన ఇంట్లో నిషిద్ద సాహిత్యం ఉంటుంది కాబట్తి. పొరపాటు పడవద్దు. బూతు సాహిత్యం గురించి కాదు మనం మాట్లాడుతుంది. మార్పును కోరే సాహిత్యం గురించి మాత్రమే. కొన్ని నెలల తర్వాత సుప్రీంకోర్టు ఇది అన్యాయం అంటుంది. అది ఏ పత్రికా రాయదు. రాసినా వాటి గురించి పెద్దగా చర్చ జరగదు. గుజరాత్ లో మోడి ప్రభుత్వం కూడా ఇజ్రత్ జహాన్ నీ మరో ముగ్గురిని ఎన్ కౌటర్ చేస్తుంది. ఉగ్రగాదులు అని వారిపై ముద్ర వేస్తుంది. జాని కొన్ని నెలల తర్వాత ఇవే కోర్టులు వారిది బూటకపు ఎన్ కౌటర్ అంటుంది. షీలాశూద్ అనే సామాజిక కార్యకర్త హక్కును అడిగిన పాపానికి హత్య కావించబడుతుంది. ఐనా ఏ వ్యక్త్తి ప్రశ్నించడు. ఏ పత్రికా పెద్ద వార్తగా వ్రాయదు. పాటలు పాడుకుంటూ, ఇది దోపిడి రాజ్యం, దోంగల రాజ్యం అని తన కళారూపంతో ప్రజలను చైతన్య పరుస్తున్నందుకు జీతెన్ మారాండికి ఉరిశిక్ష. ఇక్కడ వాళ్ళు రాసుకున్న రాజ్యాంగాన్ని, న్యాయ సూత్రాలను తుంగలో తొక్కి, ఎక్కడ పడితే అక్కడ, ఎవ్వరిని పడితే వారిని పట్టుకోని అన్యాయంగా చంపోచ్చు. వారికి మావోయిస్టు అని పేరు పెట్టొచ్చు. నీ చేతిలో తూపాకి ఉంటే దేశ రక్షణ. నాచేతిలో తూపాకి ఉంటే నేనొక నిషిద్దం. అభివృద్ది అనే ముసుగులో ఆదివాసులను. అడవులను, బీదప్రజలను దేశ సార్వభౌమత్వాన్ని కార్పోరేట్ శక్తులకు తాకట్టు పెడుతున్న రాజకీయా పార్టీలను ఎదిరించకూడదు. దీనిని ఎవడైనా ప్రశ్నిస్తే వాడు నిషేదిత సంస్థకు చెందిన వ్యక్తి. ఇది దేశ, రాజ్య, ప్రపంచ సూత్రం.

నా పెళ్ళి ముచ్చట్లు

2011-08-19T11:34:00.000-07:00

ఆగస్టు 14వ తేది నా జీవితంలో అతి ముఖ్యమైన రోజు. నా కల సాకారమైనా రోజు. అది నా పెళ్ళి రోజు... నాకు తోడుగా నిలిచి నా భావాలతో ఏకిభవించిన నా తోటి సహచరులు, మిత్రులతో నా జీవితంలో ఆనంధకరమైన ముఖ్య ఘట్టాన్ని పంచుకున్న రోజు.. ఇన్నాల్లు సమాజం ఇచ్చిన జ్ఞానంతో, నాతోటి సహచరుల సహకారంతో ఆదర్శంగా జీవించడానికే ప్రయత్నించాను అని అనుకుంటున్నాను. ఇప్పటి నుంచి మేము ఇద్దరము సహచరులుగా, స్నేహితులుగా జీవితాంతం ఆదర్శవంతమైనా జీవితం గడపాల్సి ఉంది....అలాంటి జీవితాన్ని గడిపే క్రమంలో తోటి స్నెహితుల, స్రేయోబిలాషులా సహయా సహకరాలు ఉంటాయని ఆశీస్తూ నా పెళ్ళి నాటి ముచ్చట్లు మీతో

జీవితం

2011-06-23T11:14:00.000-07:00

జీవితం గాయపరచవచ్చు
దగా చేసిండవచ్చు
దౌర్జన్యమే జరిగి ఉండోచ్చు
ఏం జరిగినా నువ్వు ఒంటరిదానివి కాదుగా
ఎందుకలా చెప్పాపెట్టకుండా వెళ్ళిపోయావు?
చేయిపట్టుకు నడపాల్సిన పిల్లల్ని,
గుండేల్లో దాచుకోవాల్సిన సహచరుల్ని
వదిలి ఎట్లా వెళ్ళాలనిపించింది?

ఒంటరిగా వెళ్ళాననుకున్నావేమో
నీ ప్రాణ సమానుల్ని,
సహచరుల్ని,
చేయిపట్టుకు నడిపించాల్సిన పిల్లల్ని,
గుండేల్లో దాచుకోవాల్సిన వాళ్ళని,
వాళ్ళ జీవితాన్ని,
వాళ్ళ ఆశల్ని కూడా నీ వెంట తేసుకెళ్ళిపోయావు..

చెప్పకుండా వెళ్ళిపోయిన వాళ్ళు
ఎప్పుడైనా తిరిగొస్తారని
హృదయంతో వేచిచూసే వాళ్ళు గుర్తుకు రాలేదా నీకు?
ఒక్క తీపి జ్ఞాపకం ఐనా నిన్ను కదలించలేదా?
ఆనాటి ఆత్మీయత నిన్ను కరిగించలేదా నేస్తం?

ప్లీజ్ చేప్పవా?

2011-03-24T09:28:00.000-07:00

కొన్ని సందర్భలాలలో అంటుంటారు
కాలం అగిపోయిందని...
కాలం స్థంబించిపోయిందని,
పిచ్చిగాని కాలం అగిపోతుందా ఎక్కడైనా?
నిరంతరం, నిరంతారాయం దాని పయనం.

అదేమోగాని మనసు స్థంబించిపోదు అప్పుడప్పుడు
నిజం చేప్పు?మనసు అగిపోవడం నికూ ఎప్పుడు జరగలేదూ?
మది చెదిరి,మనసు వికలమైనప్పుడు..
దుఖం హిమాలయంలా పెరిగిపోతున్నప్పుడు,
బాధా లేక, బాధ్యత లేక
నిర్వేదంగా,నిరాసక్తంగా
పులుస్టాప్ లా మనసాగిపోతే దాన్నేమంటారు?

శరీర బాగాలన్ని పనిచేస్తూ మెదడు పనిచేయకపోతే "కోమా" అని.
మెదడు పనిచేస్తూ మిగిలిన బాగాలు పనిచేయకపోతే "క్లీనికల్ డేత్" అంటారు.
మరి మనసు ఏ అలోచన చేయలేక
ఒకే ఒక బిందువు దగ్గర అగిపో
మనోపరిబాషలో దాన్నేమంటారు ప్లీజ్ చేప్పవా?

exellent poetic dialogue

2011-03-19T03:30:00.000-07:00

చాలా రోజుల తర్వాత ఇద్దరు అనే ఒక సినిమా చూశాను. తమిళనాడు రాజకీయాల నేపథ్యంలో తిసిన సినిమా ఇది. ఆ సినిమాలో ప్రకాశ్ రాజ్,మోహన్ లాల్ అద్భుతంగా నటించారు. ఆ సినిమాలోని పదునైనా డైలాగ్స్ చాలా ఉన్నాయి అందులో నాకు నచిన డైలాగ్...ఈ కింది ఆ వీడియో...మీరూ చూడండి .ఒక్క నిమిషం...అన్నట్టు మీకు ఈ డైలాగ్స్ లో కొంత భాగం నచ్చక పోతే వదిలైయండి నన్ను తిట్టుకోకండే ప్లీజ్...

తామర పూవంటి ముఖం చేసి

చందన పూవంటి తనువు చేసి

విరజాజి పూల పలువరుస చేసి

వెలగ పూవంటి వీనులు చేసి

పూవులతో నీకు అంగములు చేసిన వాడు రాతితో నేలనే మనసు చేసాడు.

నిండు వెన్నెల నేనాశించా
అమావాష్యను నాకందించావు
స్వేచ్చ నేనాశించా
శరనునాకందించావు
రాగం నేనాశించా
మౌనం నాకందించావు
ప్రేమామౄతం నేనాశించా
కన్నిటి కడలి నాకందించావు
వెన్నెలాంటి మనసు నేనాశించా
నిర్ధయతో ముల్లు నాకందించావు

వెన్నెల వెడలు వలపు కొరకు నిరీక్షించా
నువ్వు నిద్రావస్తలోకి జారుకున్నావు
మనసంకితమివ్వ వచ్చాను
నీ గుండెను శిలగా చేసావు
గదితలపులు తెరచి వుంచాను
పిల్ల తెమ్మేరలనెందుకు నిలిపివేసావు
ఇరు చేతులు చాచి నిలిచాను ని హృదయ కవాటం మూసివేశావు
కడలిలో విసిరిన వుక్కు లాగా నా ప్రేమనేలనే విసిరి వేశావు...

ఎలా నేస్తం

2011-03-14T11:24:00.000-07:00

చూపుల బాణాలతో మనసుపై దాడి చేద్దామంటే
పువ్వులా నవ్వీ నన్ను కరిగిస్తావు.

నల్ల మబ్బులా వర్షించి కోపంతో నిన్ను ముంచేద్దామంటే
మయూరంలా ఆడి నన్ను కట్టేస్తావు

చీకటి భుతాన్ని చూపించి భయం గుప్పెట్లో నిన్ను పట్టెద్దామంటే
వెలుగుల శికరంపై నిల్చుని పలకరిస్తావు

లోకానికి నిన్ను చూపిద్దామంటే
నాలో నువ్వు లీనమై ఒదిగిపోతావు ఎలా నేస్తం

ఆకాశంలో సగాన్ని...

2011-03-07T07:37:00.000-08:00

సమాజం చేక్కిన శిల్పంలోని
కోమలినో,
అబలనో,
సంప్రదాయపు వంటింటి కుందేటినో కాదు,
తాళికి తలవంచిన బొమ్మనో,
ఇంట్లో వంటింటికి,
పడగ్గదికి,
బజారు వ్యాపారానికి సరుకును కాదు,
ప్రేమోన్మాదానికి రాలిపడే సుతారపు కుసుమాన్ని కాదు..
పంచాది నిర్మలను....
ఆకాశంలో సగాన్ని....
అనంత కోటి నక్షత్రాల్లో సగాన్ని....

ఆకాశంలోని సగానికి
"అంతర్జాతీయ మహిళా దినోత్సవ " శూభాకాంక్షలు

ఆమె...అతను....అందం

2011-03-05T06:38:00.000-08:00

ఆమె : ఎంటీ ఆకాశంవైపు అలా చూస్తూన్నావు ఎముందక్కడా?
అతను: ఆటుచూడు ఆకాశం ఎంత అందంగా ఉందో.
ఆమె : అవునా ఏదీ నన్ను చూడనీ...అందంగా ఎక్కడుంది..మాములుగానే ఉందే?
అతను: బాగా చూడూ..
ఆమె : బాగానే చూశాను...అయినా నాకు మాములుగా కనిపిస్తున్న ఆకాశం నీకు ఎలా అందంగా కనిపిస్తూంది?
అతను: ముందు నేను నిన్ను చూసి ఆ తర్వాత ఆకాశాని చూసాను అందుకే నాకు అందంగా కనిపిస్తుంది...నువ్వు నన్ను చూసి ఆకాశాన్ని చూశావు అందుకే నికు మాములుగా కనిపిస్తూంది.

మనసేం ఖాళీ లేదు

2011-03-02T21:30:00.000-08:00

మనసేం ఖాళీ లేదు...
అవును నిజమే చేబుతున్నా
మనసేం ఖాళీ లేదు
దృశ్యాలలో...భావాలలో ఇరుక్కుపోయి
నిచ్చలత్వం కోల్పోయి
అల్లకల్లోలం చెలరేగే మనసు ఖాళీ ఏం లేదు
ఏవో నీడలు..ఏవో జాడలు
నిలువనివ్వని కదలనివ్వని సంకేళ్ళు
ఖాళీ ఎక్కడుంది..శూన్యంగా ఎప్పుడుంది
వేదనతోనైనా సరే ఈ మనసు నిండేవుంది

బాగానే ఉన్నాను

2011-02-28T05:06:00.001-08:00

ఎంత అదృష్టవంతురాలివి నువ్వు

ఎంత సులభంగా నా చేతుల్లోనుంచి జారిపోయావు

నువ్వు లేకపోతే జీవితం లేనేలేదని

నువ్వు లేని కాలాన్ని ఉహించికోనైనా లేని నేను

ఇన్నేళ్ళు అలవోకగా గడిపేశాను

అయినా నేను బాగానే ఉన్నాను

చుట్టురా నా బలగం ఎంత మంది ఉన్నా

ఎవరి ప్రాధాన్యతలు వారివి

ఎవరి వొత్తిళ్ళలో వాళ్ళు ఉన్నపుడు

మెరుపులా స్పురణకు వస్తావు

ఒక్కసారిగా ఆ స్మృతిసీమల్లో తడసి పోతాను

ని స్మృతి నాకు ఆనందాన్నే కాదు

అవదులు లేని భయాన్ని కల్గిస్తూంది

జీవన విధ్వంసాలెన్నింటినో ఎదుర్కోని

కొంచం కొంచం నన్ను నేను కోల్పోతూ బాగానే ఉన్నాను

ఉద్వేగాలని...ఉత్పాతాలని

సంబరాల్ని...వెతల్ని..వెలితిని

పదిలంగా నాలోనే దాచుకుంటూ బాగానే ఉన్నాను.

గడిచిపోయిన కాలం సాక్షిగా..

కరిగిపోయిన కలల సాక్షిగా..

కన్నిటీ సుడుల మధ్య నన్నో కాగితం పడవను చేసి

దాటిపోయినా బంధాల సాక్షిగా..
ఇంకా నేనున్నానని సంబర పడుతూ బాగానే ఉన్నాను..

దిగులు

2011-02-28T03:11:00.001-08:00

అకాశంలో సగానికి రక్షణేది?

2011-02-24T05:50:00.001-08:00

akasamlo sagam

మహిళా సాధికారిత - రాజకీయ రిజర్వేషన్లు

2011-01-30T21:26:00.001-08:00

మైక్రోహత్యలు - రాష్ట్ర రాజకీయాలు

2011-01-30T21:24:00.000-08:00

తెలిసీ కూడా .....

2010-02-05T02:00:00.000-08:00

జీవితం ఎంత చిన్నది....!

2010-01-25T23:22:00.000-08:00

రాత్రి రూంలో ఫ్రెండ్స్ అందరం కలిసి సరదాగ మాట్లాడితుంటే ఎందుకో మా మాటల్లో మనం చనిపోతే ఎలా అనేది చర్చకు వచ్చింది. చనిపోతాము అనేది ఉహాల్లోకి రావడంతో అందరికి ఒక్కసారిగా భయమేసింది. ఒక మిత్రుడు అన్నాదు, మనము ఎలాంటి ఆనారోగ్యానికి గురికకుండా, మనకు ఏ ఆపద సంభవించకుండా ఉంటే మనం 55-60 సంవత్సరాల కన్నా ఎక్కువ బ్రతకం అని అన్నాడు. ఇంకో మిత్రుడు అన్నాడు...అరే నేను చిన్నప్పుదు చనిపోతె ఈ బస్సులు, రైల్లు , రోడ్లు చూడం కదా.,చనిపోతే ఎలా అనిపించేది అన్నాడు. వాడి మాటలకు అందరం నవ్వుకున్నాము కాసేపు. ఇప్పటికే సగం జీవితం గదిచిపోయింది . ఇంకా మిగిలింది సగం జీవితం మాత్రమే....మా డిస్కషన్ వింటున్న తమ్ముడు లెక్క పెడుతున్నాడు. 30 సంవత్సరాలు అంటే 30*365 =లెక్క సరిగ్గా రాలేదు, దాదాపు 11,000 రోజులు...అంటే మనం 11,000 మాత్రమే జీవిస్తాం అని తేల్చాడు. ఇంతలో రూంలోకి ఇంకో మిత్రుడొచ్చాడు. తమ్ముడు రూంలోకి వచ్చిన మిత్రుడితో అంటున్నాడు.."అన్నా నువ్వు ఇంకా 11,000 రోజులే మాత్రమే బ్రతుకుతావు తెలుసా" అని....ఆ వచ్చిన మిత్రుడికి అర్తం కాలేదు.. కాసేపటి తర్వాత అర్థం చేసుకోని చావుదేముంది తమ్ముడూ ఏప్పుడైన చనిపోవచ్చు అని తేల్చాడు. ఒక్కొక్కరం ఎన్ని రోజులు బ్రతుకుతామో లెక్కలేస్తూ నవ్వుతూ కాలం గడిపాం. తర్వాత చర్చ ఇంకో వైపు మళ్ళింది...కాసేపు ఆలాగే మాత్లాడుతూ నిద్రలోకి జారుకున్నాము....నాకు నిద్రా రావడంలేదు...నిద్ర రాకపోవడంతో పుస్తకమన్నా చదువుదామని ముందేసుకోని కూర్చూన్నాను. పుస్తకం చదువుతూనే ఉన్నాను కాని బుర్రకు ఎక్కడం లేదు. పుస్తకం చదువుతుంటే ఎందుకో సడన్ గా ఇంతకు ముందు జరిగిన చర్చ గుర్తుకు వచ్చింది. నిజంగా ఇంకా 11,000 రోజులే బ్రతుకుతామా అని ఆందోళన మొదలైంది. మిత్రుడు చెప్పినట్టు ఈ జనరేషన్ 55-60 సంవత్సరాలకన్నా ఎక్కువ బ్రతకరా అని అనుమానం వచ్చింది. నేను ఇంకా ఎన్ని రోజులు బ్రతుకుతానో అనే అలొచన వచ్చింది....సెల్ తీసుకొని లెక్కించడం మొదలుపెట్టాను...నేను ఇంకా 30 సంవత్సరాలు బ్రతుకుతానని అనుకుంటే 30*365=10,950 రోజులు..అంతేనా!?. అంటే నేను ఇంకా 10,950 రోజులే బ్రతుకుతానన్నమాట. ...నేను జీవించేది ఇంకా 10,950 రోజులే!....అక్షర్యంగా ఉంది. నా జీవితం ఇంత చిన్నదా..!..ఈ రొజులు గుర్తుకు తెచ్చుకుంటే భయం, ఆందోళనా మొదలైంది. మళ్ళి లెక్కించడం మొదలెట్టాను 10,950 రొజులు అంటే ఎన్ని గంటలో కనుక్కుందామని... 10,950*24 గంటలు=2,62,800 గంటలు...లెక్క తేలింది ఇంకా నా జీవితంలో 2,62,800 గంటలే మిగిలి ఫున్నాయి... ఇంకా భయమేసింది...తారేజమీన్ ఫర్ సినిమాలో ఆ పిల్లాడిముందు అక్షరాలు, అంకేలు కళ్ళముందు తిరుగుతుంటే ఎలా ఉంటుందో ఆలాగే నా జీవితం అంతా అంకేల్లా నా కళ్ళ ముందు తురుగుతున్నట్టు కనిపిస్తుంది ...కౌంట్ డౌన్ ముదలైంది....2,62,800 గంటలే...టిక్...టిక్...టిక్...గతంలొ ఒలంపిక్స్ క్రీడలు జరిగేటప్పుదు కౌంట్ డౌన్ ప్రారంభిచేవారు...బీజింగ్ ఒలంపిక్స్ స్టార్ట్ అవుతున్నప్పుడుకూడ లెక్కించారు... ఆ కౌంట్ డౌన్ చుస్తూంటే నాకైతే త్వరత్వరగా రొజులు గడిచిపోయి ఒకంపిక్స్ స్టార్ట్ అవుతే బాగుండేది అని ఏదురుచూశాను...కాని నా జీవితం కౌంట్ డౌన్ చూస్తూంటే భయమేస్తుంది. కౌంట్ డౌన్ అనే మాట గుర్తుకు వస్తే భయమేస్తుంది... ఇంతలోనే ఇంకో అలొచన వచ్చింది. మనకున్న రొజుల్లో సగం రోజు పడుకొవడానికి,తినడానికి, స్నానాలకు గడిచిపోతుంది. అంటే మిగిలేది సగం రోజే అన్నమాట...మళ్ళి కౌంట్ డౌన్ ప్రారంభమైంది. నేను జీవించే మొత్తం జీవితం 10,950 రొజులు...దానిలో సగం రొజులు తీసేస్తే అంటే 10,950 /2 =5472 రోజులు మత్రమే మిగిలింది. ..విటిని గంటల్లొ లెక్కేస్తే 5472*24=1,31,400 గంటలు మాత్రమే....మళ్ళి భయమేసింది...ఇంతకు ముందు 2,62,800 గంటలు ఉన్నాయి కదా అనుకుంటే ఇప్పుడు 1,31,400 గంటలు కనిపిస్తున్నాయి...జీవితం అంటే ఇంకా భయమేస్తోంది. ...జీవితంలో స్థిరపడకుండానే సగం జీవితం గడిచిపోయింది. ఇంకా మిగిలి ఉన్నది 5472 రొజులు మాత్రమే...ఈ 5472 రొజుల్లొనే జీవితంలో స్థిరపడాలి...దింట్లోనే పెళ్లని చేసుకోవాలి.ఈకాస్తా సమయంలోనే పిల్లల్ని పెంచాలి...వాళ్ళ భవిషత్ ను చూడాలి...తోటివారికి సహాయపడాలి...దింట్లోనే నా అనేవాళ్లను సంపాదించుకోవాలి... ఇలా అలొచిస్తూ పోతే జీవితం ఎంత చిన్నదో ...ఎంత విలువైనదో తెలుస్తోంది. ఇలా అలొచిస్తూంటే ఎందుకో అనుకోకుండా ఫ్రెండ్ పంపిన మెసెజ్ గుర్తుకు వచ్చింది. ఆ మెసెజ్ లో దేవుడు తనని ప్రశ్నించాడటా " ఈ రోజు వరకు నువ్వు జీవితంలో ఏం సంపాదించావని" అందుకు తను ధైర్యంగా బదులిచ్చిందటా ..."నేను చనిపోయినప్పుడు నాకోసం కన్నీరు కార్చే ఒక మిత్రున్ని సంపాదించుకున్నానని". తను ఎంత నమ్మకంగా చెప్పగలిగింది...తను తన మిత్రుని హృదయంలో ఎంత గొప్ప స్థానాన్ని సంపాదించుకుంటే అంతా ధైర్యంగా చెప్పగలది. ఇదే క్వచ్చన్ నన్న్ను అడిగితే నేను అంతా ధైర్యంగా చెప్పగలనా....? అలోచిస్తూంటే జీవితం అంతే ఇంకా భయం వేస్తూంది. నా జీవితంలో గడిచిన కాలాన్ని ఒక్కసారి వెనక్కి తిరిగిచూసుకుంటే... గతాన్ని ఒక్కసారి నెమరువేసుకుంటే...ఉహు ...ఏం అర్థం కావదం లేదు. అంతా ఖాళీగా కనిపిస్తుంది. జీవితంలో ఏది సాధించకుండానే కాలం గడిచిపోయింది. కాలం విలువ తెలుస్తోంది....జీవితం ఇంకా ఎంత విలువైనదో అర్థమవుతుంది. ...నా జీవితంలో ఇంకా 1,31,400 గంటలే మిగిలిఉన్నాయి. కాదు...కాదు..ఇది రాస్తూంటే ఇప్పటికే 30 నిమిషాలు గడిచిపోయాయి. ఇంకా మిగిలినవి 1,31,399 గంతల 30 నిమిషాలు మాత్రామే ఈ కాస్తా సమయంలొనే నేను ఎదైనా సాధిస్తానా ...నా అనుకునే వాళ్లను సంపాదించుకుంటానా..? అనుమానమే...అలోచిస్తూంటే భయంగా ఉంది.. అర్థం కావదం లేదు. నిజంగా జీవితం ఎంత చిన్నది కదా? ఈ కాస్తా జీవితం ఎంత అమూల్యమైనది కదా?

అమ్మాయిలపై ప్రేమోన్మాద దాడులు-పరిశీలన

2010-01-10T13:30:00.001-08:00

మగ మధ మృగాళ్లు

2009-06-19T23:56:00.000-07:00

ఒక వైపు అత్యుత్తమ స్తానాలలో రాష్టపతి,లోకుసభ స్పీకర్ , హొం మినిష్టర్ గా మహిళలు అదిష్టించడం సంతోషించాల్సిన విషయం ఐతే అదే స్తాయిలో మహిళలపై దాడులు పెరిగి పోతున్నాయి. ప్రజల ప్రాణాలకు రక్షణ కలిపించాల్సిన పొలిసులే మహిళలపై అత్యాచరం చేస్తున్నారు, మరోవైపు అమ్మ,నాన్నలా తొడబుట్టిన వాళ్ళ బాగోగులు చూడాల్సిన అన్న సొంత చెల్లెలుపై అత్యాచరం చెస్తుంటే ఇక మహిళలకు రక్షణ ఎక్కడిది. ఇలా మనుసులు మానవ మృగాలుగా మరడానికి కారణం ఏవరు. పేంచే తల్లిదండ్రులదా...లేక చదువులు నేర్పే పాఠశాలదా?...యువత మేధళ్లను ప్రేమపేరుతో పాడు చేస్తున్న సినిమాలదా? దినికి పరిష్కారం ఏంటీ?..

నిన్ను పొందకపోతే

2009-03-03T00:27:00.001-08:00

నిన్ను పొందకపోతే

ఎంత బావుండేది నేస్తం

ఈ పోగొట్టుకోవడం అనే బాధే

ఉండేది కాదు కదా

కమ్యూనికేషన్ గ్యాప్

2009-03-03T00:23:00.000-08:00

కాలం వరిపిడిలో

మన మాటలు సన్నబడ్డాయి

అరిగిపోయిన వాటిలో

ఎన్ని అపశృతులో

కాలం పాడిన జోలలో

మన మాటలు సద్దుమన్నాయి

నిద్దరోయిన వాటిలో

కొన్ని మాత్రం అప్పుడప్పుడు

సవ్వడిస్తాయి

నీతో మట్లాడాలని ఉంది

2009-03-03T00:10:00.000-08:00

నీతో మాట్లడాలని వుంది

ఎందుకంటే

నా ఆలోచల్ని

నీతో పంచుకోవాలనిపించింది

అలాగే నీ ఆలొచల్ని

తెలుసుకోవాలని వుంది

కాని కొద్దిగ మొహమాటంగా ఉంది

ఎందుకంటే

నా ప్రయత్నం నేను చేశాను

కానీ నేను అనుకున్నంత రెస్పాన్స్ రాలేదు

అందుకే

నేను కొద్దిగా ఫీలయ్యను

మనం ఇంకొంచం దగ్గర కావడానికి

నీకు, నాకు మధ్య

"మీరు" అనే సన్ననిరీఖ ఉంది.

ఆ రేఖని చెరిపేయకపొతే

నువ్వు, నేను మనంగా కాకుండా

"మీరు" గానే మిగిలిపోతాం

గాయం

2009-02-24T00:39:00.000-08:00

తప్పటడుగులో తాకిన గాయాన్ని

మనుపుకోవడానికి ప్రయత్నిస్తూంటే

మానిన గాయం

మచ్చగా మిగిలిపోయి వెక్కిరిస్తుంది

నువ్వేం చేశావు నేరం?

2008-12-19T05:29:00.000-08:00

ఈ పసి మొగ్గకేమి తెలుసు ఉగ్రవాదమంటే ఏమిటో? అమ్మ వడిలో నిశ్చింతగా పడుకుని పాలు తాగాల్సిన ఈ పాపడు చేసిన నేరం ఏమిటి? ఈ పవిత్ర భారత దేశంలో పుట్టటమేనా? తప్పు చేస్తే ఇంట్లో అమ్మా, నాన్నా కొడతారు అని తెలుసు కాని ఏ తప్పు చెయ్యకుండానే ఎవరో అంకుల్స్ వచ్చి తనని ఎందుకు కాల్చారో, తనకి గాయాలెందుకు అయ్యాయో ఎవరు చెప్తారు. తన జీవిత కాలంలో మరచిపోగలడా ఈ గాయాన్ని ఆ చిన్నారి?ఈనాడులో ఈ ఫోటో చూడగానే గుండె ని ఎవరో కెలికినట్టుగా అయ్యింది. అందుకే ఈ టపా

వెన్నెలతో నీరూపు చిత్రీస్తూన్నా..

2008-11-27T05:17:00.001-08:00

అందుకేనా అవీ అంతందంగ వున్నాయి..

2008-11-27T05:16:00.001-08:00

ప్రకృతిలో అంతనిర్మోహమాటం.ధైర్యం

2008-11-27T05:12:00.001-08:00

ఒక స్నేహం కావాలి

2008-11-27T05:04:00.000-08:00

నిశీధీ నిశ్ధంలో

2008-11-27T04:57:00.000-08:00

అందుకే మౌనంగా వున్నను...

2008-11-22T06:58:00.001-08:00

ప్రేమంటే..

2008-11-22T06:57:00.001-08:00

నువ్వు నాకు గుర్తోస్తే.

2008-11-22T06:55:00.001-08:00

గతమొక ఒదార్పు ఆకాశం

2008-11-22T06:53:00.001-08:00

నీలో నన్ను నేను పోగొట్టుకున్నాను

2008-11-22T06:51:00.000-08:00

మనసును మించిన ఇంకుడుగుంత ఇంకేముంటుంది

2008-11-22T06:48:00.000-08:00